Plantun de Prouvènço

Pèr coumpara dos planto d'encò nostre

Lactuca alpina & Campanula rotundifolia subsp. rotundifolia

Lactuca alpina

Asteraceae Compositae

Nom en français : Laitue vivace.

Descripcioun :
Aquesto lachugo, pas trop coumuno, trachis en ribo de gaudre e dins li prado à rousèu (megafourbié) de mountagno. Se recounèis à sa grando taio e à si fueio verdalo, descoupado e sènso péu que fan pensa à li de Lactuca muralis. Si flour coumpausado soun d'un blu clar. Laujo o alaujo soun li noum douna à la laurigo, Lactuca perennis en Tiniò.

Usanço :
Dèu èstre manjadisso coume tóuti li lachugo fèro, pamens la vau miés pas acampa qu'èi pas di mai coumuno.

Port : Grando erbo
Taio : 0,6 à 2 m
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Lactuca
Famiho : Asteraceae
Famiho classico : Compositae

Ordre : Asterales

Coulour de la flour : Bluio
Petalo : >6
Ø (o loungour) flour : 2 à 4 cm
Flourido : Printèms - Estiéu

Sòu : Si (Ca)
Autour basso e auto : 1400 à 2400 m
Aparado : Noun
Jun à avoust

Liò : Prado à rousèu - Ribo de gaudre
Estànci : Mountagnard à Subaupen
Couroulougi : Ouroufito-Éuroupenco
Ref. sc. : Lactuca alpina (L.) A.Gray, 1884

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.